Gilbert Martina, direktor CMC awe ta risibi Minister Javier Silvania.

Otrobanda—Promé Minister Gilmar Pik Pisas, ta bai imponé medida riba Curaçao Medical Center. Esaki aló ménos por konkluí for di un karta ku e minister a manda pa Hunta di Komisario di e instituto. Segun e minister, si maneho na CMC no sigui e kurso deliniá pa gobièrnu, mester imponé otro medida, pasobra CMC no por garantisá kondishonnan stipulá pa bon maneho di kuido.

A karta di Pik Pisas a bini mesun dia ku Dorothy Janga a baha komo minister i ta konfirmá e konflikto entre Hunta di Minister i maneho dje instituto. Na final di su karta, Pisas a mustra su prekupashon riba e situashon finansiero di CMC i pa e instituto sostené un bon koperashon. Pues mester tin bon koperashon i un bon ambiente di trabou pa ku e proseso di rehabilitashon por logra éksito, segun Pisas. Gobièrnu ta dispuesto pa sigui huntu ku Hunta di Maneho pa atendé den interes general, pa eksplorá e posibilidat pa yena na un akuerdo ku CMC bou kondishonnan strikto pa e siguiente lunanan. Esaki te na momento yega na ehekushon di e linan prinsipal di maneho, konforme akuerdo entre CMC i demas entidatnan envolví.

Al final, Gobièrnu ta konkluí ku e konflikto a eskala. Segun e último karta aki  di CMC ta keda klaro ku un liña importante a ser krusá pa gobièrnu, esaki ta un liña unda ku gobièrnu no por konta mas riba un koperashon loyal, a-polítiko i konstruktivo di e Hunta di Maneho na CMC durante e período mas krusial pa entidatnan di CMC. Ta asina ku den e último karta di CMC, tabatin menasa di hiba gobièrnu korte sivil. Aparte di esei, e Promé Minister a mustra su prekupashon riba un kapital propio negativo di 213 mion florin na CMC.