Back to Top
Vigilante banner image

Grupo F pa mundial Qatar 2022


November 23, 2022 • 3 minüt pa lesa

Fanatikonan di e ekipo di Bèlgika.

WILLEMSTAD—Deporte Vigilante i Buki Mundial, ketu bai ku abo komo fiel lektor na pechu, lo kompartí awe ku bo, gruponan F i G, di mundial Qatar 2022. Primeramente lo para ketu riba e ekiponan di Grupo F.

BÈLGIKA

E selekshon nashonal di Bèlgika ta den nan di 14 mundial, unda ku nan aña 2018 nan a logra e di 3 puesto, komo nan mihó prestashon den un mundial.

Tempu a kuminsá pèrta pa Kevin De Bruyne, Romelu Lukaku i Eden Hazard. E trinta plùs nan Dries Mertens, Jan Vertonghen, Toby Alderweireld i Axel Witsel tambe ta bayendo direkshon di penshun.

Qatar lo bai bira e último rosea di e generashon di oro aki ? For di 2018 e selekshon aki ta den e proménan riba lista di FIFA. Esaki ta parse e último chèns pa e generashon aki gana un premio grandi. Kuater aña pasá nan a kue bròns na Rusia i maske nan edat a subi, nan mester wòrdu kontá den e bon ekiponan na e mundial aki.

Si Kevin De Bruyne bin den e forma ku e ta demostrá na Manchester City, nan ta bai yega leu. Nan ta na mundial ku probablemente e mihó portero na mundu, Thibaut Courtois (Real Madrid).  Ta spera ku Eden Hazard ta bin motivá mundial despues di e tempu difísil ku e la pasa aden pa leshon, miéntras ku Romelu Lukaku (Inter Milan), lo por yuda e ekipo, despues di no a lusi ku su ekipo nobo. Ámbos ta bin di un periodo difísil.

Definitivamente De Bruyne lo ta e hòmber pa eliminá si ke para e selekshon aki for di trempan. Nan ku Kroasia ta mustra for di seri den grupo F i no ta hasi diferensia ken sali promé òf di dos, paso ta sea Spaña òf Alemania ta warda. Panchi òf kandela.

CANADA

E selekshon di Canada lo bai ta den nan di 2 kampionato mundial, unda ku nan lo bai intentá na pasa e fase di grupo pa prome biaha.

Nan prome kampionato tabata na México‘86, klasifikando den e region di CONCACAF ku no ta esun di mas fuerte na mundu.

Den e grupo aki, e chèns di Canada ta práktikamente pa trata na saka un punto for di Maroko.

Pero nan a sorprendé tur hende klasifikando komo number un di nos region, riba e grandinan tradishonal di CONCACAF manera México i Merka. Ademas ku mas gol hinká i ménos gol kontra ku tur pais den e oktagonal final.

E éksito aki ta debí na algun atakante hóben berdaderamente talentoso. E promé ta Alphonso Davies ku normalmente ta hunga defensa lateral robes pa Bayern Munich, pero den selekshon kanades ta okupá un puesto den atake. E ta un talento èkstra ordinario i mundialmente ta wòrdu konsiderá den e bonnan di e generashon mas hóben i hasta tin hopi ta konsider’é e mihó defensa lateral robes na mundu.

E la nase di grandinan Liberiano den un kampamentu di refugiado na Ghana, paso su tata ku su mama a hui for di un guera sivil na Liberia i despues a imigrá pa Canada. Ku 16 aña e la debutá na 2017  den selekshon kanades kontra Kòrsou, wega ku Canada a gana 2-1, hasiendo e mesora e hungadó di mas hóben ku a yega di debutá pa Canada.

Fanatikonan di e selekshon di Canada.

KROASIA

Ta trata aki di e selekshon supkampion di mundu, despues di a keda na di 2 puesto na anja 2018 i awor ta pará dilanti di nan di 6 mundial.

Kroasia tabata e sorpresa grandi kuater aña pasá, nan kualifikashon e biaha aki si a bai poko mas difísil i a keda pèrtá te final, ku Rusia mes komo nan kontrinkante.

Riba e último dia, nan a gana Rusia 1-0 i a sigurá nan partisipashon. Mirando e edat di esnan ku ta karga e selekshon aki, meskos ku Bèlgika, esaki por ta e ultimo gran presentashon di un generashon por lo pronto.

Téknika i rapides ta nan dos armanan, aparte ku e mentalidat ganadó di Modric ta kontagioso. Number un ku dos den e grupo aki, lo topa Spaña of Alemania, dos ekipo físikamente eksigente ku lo eksigí lo máksimo di e veteranonan di Kroasia.

Fanatikonan ku ta biba ku e selekshon di Kroasia.

MARÒKO

Selekshon di Maroko ta bai nan di 6 mundial, unda ku nan aña 1986 nan a alkansá oktavo final, komo e mihó prestashon den un kampionato mundial di futbòl.

Meskos ku na 2018 Maròko ta hasi akto di presensia na mundial. Nan problema di mas grandi tabata ku nan mihó hungadó Hakim Ziyech tabatin mas ku dos aña involukrá den un konflikto serio ku e entrenadó nashonal prosedente di Bosnia, Vahid Halilhodžić.

Tur kos ta indiká ku meskos ku na Rusia 2018 kaminda nan a kai afó trempan pèrdiendo ku Iran i Portugal i e empatando ku Spaña, atrobe nan permanensia lo ta kòrtiku.

Foto:     (Maroko Fans)

Login