WILLEMSTAD,—-Normalmente despues di e temporada di Kuaresma diferente lider di gruponan di Karnaval, ta bai hasi kompra den eksterior. Kaminda ku nan ta bai kumpra diferente asesorio pa nan grupo por lusi den kaya.

Pero mirando kon e sifranan ta subiendo aktualmente, esaki ta pone ku ningun doño di grupo no por bai di biaha na sierto di e paisnan ku nan sa bai hasi nan kompra normalmente. Pero manera e sifranan ta mustrando na e momentu aki, esaki mustra ku e chèns ta hopi chikí ku otro aña lo bai tin tantu temporada di karnaval, Festival di Tumba i alabes temporada di Seú den su totalidat.

Esaki ta loke ku e eksperto nan tin pone riba mesa aktualmente. Mester bisa aserka ku esaki no ta konta pa aki na Kòrsou so, na Aruba i Boneiru i Hulanda tambe tin práktikamente mes un plan pone riba mesa, i esaki ta konta pa otro partinan di mundu tambe.

No mester lubidá ku na for di komienso di COVID-19 a bin dilanti ku e pandemia menshoná por bai duru te ku 2025, pa mundu kompletu por ta bou di kontròl. Pues no ta na Kòrsou so e kosnan aki ta pasando. Esaki ta nifiká ku, tur lider di grupo ku ta den preparashon, mester wanta un ratu ku esaki, te na momentu ku e kosnan normalisá.