Back to Top
Responsive image
E korant di pueblo

Guus Hiddink lo regresá na timon di nos selekshon ?


May 18, 2021 • 3 minüt pa lesa

WILLEMSTAD—Tékniko di nos selekshon nashonal di futbòl, Guus Hiddink, di bèrdat lo regresá na timon di nos selekshon den futuro ? Esaki ta pregunta i tópiko ku a hala atenshon ya for di durante di e último dianan di e siman tras di lomba i aun mas, durante di e fin di siman ku a pasa.

Un ke otro unda despues ku tambe ‘Ricky’ Martinus, den su programa deportivo di tur djasabra a hasi menshon di un artíkulo ku a wòrdu publiká den prensa na Hulanda.

Ku tur rèspèt pa e persona i sigur su malesa, unda ta bai palabranan di pronto rekuperashon pa nos tékniko, tabatin rumornan ku ya for di despues di nos kompromisonan na mart último, ku e tabatin Covid-19.

Dirigentenan no kier a konfirmá esaki i tampoko ainda siman pasá, na momentu ku tabatin rumornan, ku lo bin un kambio di tékniko. Sinembargo den FFK su komunikado na 3 idioma ku 2 fecha diferente di siman pasá, si a hasi menshon ku e ta rekuperando di Covid-19 i e mes a pèrkurá pa regla ku maneho di Barcelona pa Patrick Kluivert por ta su remplasante.

Esaki lo por ta indikashon, ku tòg Guus Hiddink, su situashon no ta di gravedat.

Miéntras tantu, di otro banda, ya for di aña 2015, pa ta mas presis riba fecha 29 mart, tabatin publikashon den prensa na Hulanda, ku Guus Hiddink a wòrdu interná, debí ku e ta sufriendo di Alzheimer. Tabata un informashon, unda a indiká ku e direktor di KNVB, Bert van Oostveen, a konfirmá un ke otro.

Mas aleu a indiká ku no tabata un notisia sorprendente, unda ku a splika ku ya tabatin basta indikashon pa ku esaki, ku diferente ehèmpel di susesonan ku a tuma lugá ku su persona ku e selekshon Oraño, e tempu ei.

A splika ku Guus dado momentu a manda su propio asistente, bai kalentá. Tambe a indiká ku den kamerin e la papia tokante di kompletamente otro wega i ku tambe na un okashon e la indiká shofùr di nan bus, pa bai kompletamente na un otro tereno, ku a pone ku selekshon a yega tereno pa mira akshon, apénas mei ora promé ku e orario di wega.

Mas aleu a indiká tambe ku den un konferensha di prensa lo e la deklará ku no ta tur hungadó a kustumá ku tipo di weganan di preshon asina, apesar ku algun luna promé, kasi tur tabata parti di kampionato mundial.

Pues un publikashon ku sigur a hala atenshon, unda mesora a surgi e pregunta ku si tur esakinan ta bèrdat i ku tòg, FFK a yega na un akuerdo ku e tékniko di 74 aña di edat aki.

Ta trata aki di algu ku a pone mesora, ku a rekòrdá ku 10 aña atras, tambe unda ku a yega na un akuerdo ku un trainer físiko, komo tékniko di nos selekshon nashonal di futbòl, unda e tempu ei a trese e argentino Manuel Bilches Kòrsou pa dirigí nos selekshon.

Mas komportashon, ku ta duna esnan ku bèrdat stima futbòl i nos selekshon nashonal, hopi di pensa di nos dirigentenan, kende pa kolmo no ta kla pa komuniká i kontestá preguntanan, di (sierto) media.

Demas ta splika ku ta netamente presidente ta e persona di kontakto, miéntras ku presidente kier reuní ku bo promé, pa splika kiko mag puntra si òf no, sino e no ta komuniká, kual Deporte Vigilante i bo sirbidó, sigur no ta aseptá.

Apesar di esaki, nos ta sigui traha ku e futbolista-, fanátiko- i nos fiel lektornan na pechu….

Login