Mercelina ta bisa ku ora ta papia ku direktor di RdK ta responsabel pa tur kos, e ta puntra su mes si mener Newton sa ku tin hende ku a keda kondená.

Willemstad,– Gwendell Mercelina ta bisa ku PNP semper kier kalidat i si bèrdat IMF i Banko Sentral a bisa ku si habri refineria e ta un boost pa nos ekonomia mesora, no tin hende ku lo no por kier pa e refineria habri.

E ta bisa ku e ta komprondé tur e proseso ku a bin ta kana i ku e reunion aki bèrdat ta importante pa parlamento haña informashon i ku sigur e ta kontentu loke el a tende serka RdK.

E ta bisa ku e ta wak e trayekto ku a kana for di Guangdong Zhenrong 

E ta bisa ku e gobièrnu aktual a yega haña un refineria será i hopi hende no tin bista den di kuantu sèn hinter e proseso aki a kosta.

E ta bisa ku parlamento mester por mira e dokumentonan pa por yuda e bista di parlamentarionan. E no tabata den reunion será i e no ta ni puntra paso e no kier hañ’é den problema. Mercelina ta bisa ku ora ta papia ku direktor di RdK ta responsabel pa tur kos, e ta puntra su mes si mener Newton sa ku tin hende ku a keda kondená. Bo mester ta hopi mas kouteloso. Hendenan ku tabatin intenshon di korupshon a ser kondená riba dje.

E ta puntra kiko ta pone ku for di 53 interesado a yega na apénas 6 i solamente tres a manda proposishon pa finalmente yega na e preffered bidder ku ta CPR.