Back to Top
Vigilante banner image

Habitante rabiá ku ta stashoná bùs riba Olindaweg


July 19, 2021 • 1 minüt pa lesa

Kwartier: Un bista na Olindaweg di e bùsnan pará riba via públiko i ku e habitante ta splika ku esaki ta prohibí.

Kwartier- Un habitante di Olindaweg ta basta rabiá pa ku un situashon unda ta para bùsnan di transpòrt riba e kaya. Segun e habitante, kende a papia ku Vigilante, e situashon ta unu ku ta kousando molèster.

Segun e habitante, tin momentu ku e bùsnan ta stroba pa e habitantenan por sali for di nan kurá di kas òf yega esaki. Debí ku ta mas o ménos un 8 bus ta stashoná na e sitio i tambe trahadónan di e kompania ku ta para nan vehíkulo riba e kaya i stroba otro habitantenan ku ta biba den e kaya. Ta trata di un kaya ku no ta masha grandi i ku esaki ta drenta i sali bek via mesun direkshon. E habitante ta splika tambe ku e doño di e kompania ta para e bùsnan riba via públiko i ku esaki ta prohibí pa lei. E la splika ku e la yama diferente instansha pa nan por bin tuma nota di e situashon i niun no a ni yega na Olindaweg pa asina tuma nota di un ke otro. E habitante disgustá a sigui splika ku e no sa mas unda e tin ku bai pa asina por bin hasi un kontròl i asina atendé ku esnan responsabel pa e vehíkulonan.

Login