Dak ku a bula bai kompletu di e kamber.

Bandabou- Den oranan di ayera despues ku Kòrsou a eksperensha un mal tempu unda ku awa seru i tambe bientu fuerte ku a asotá nos isla un habitante mester a haña problema ku su dak di kas.

Ta trata di un dama ku su famia ku ta biba na e kas i tabata den oranan di dia e ku un bientu fuerte mester a lanta i aki a hisa dak di e kas bai kuné. Vigilante a kombersá ku Norisca kende tin mester di yudansa di komunidat pa por drecha e dak den su kas. E dama a splika ku e tabata na trabou i su yu a yam’é i splik’é ku e dak a bula. E ta pensa ku ta trata di un pida dak ku a bula bai. Debí ku e yu ta na estado e dama a splika ku a traha un kamber pe den banda. E yu a bisé ku e dak di su kamber i tambe parti di esun di e mama su kas a bula bai.

Na momentu ku e la yega kas e la bin tuma nota ku ta henter e dak di e kamber a bula bai i tambe parti di su kas. Pa loke e dama a splika ta ku e no sa kondishon di e kosnan paden di su kas i ta algun famia a duna un man i hala algun kos pa skapa esakinan pa e áwaseru ku tabata kai. Pa loke ta e dak brantwer a duna un man ku tapol, pero pa loke ta trata e famia mes no por ta den e kas.

E dama ta pidi yudansa di komunidat pa asina nan por logra drecha e dak, debí ku e yu falta un luna pa duna lus esaki ta bira aun mas difísil. Loke ku e famia aki tin mester pa por drecha e dak ta palu, eternit, plafon, klabu etc. E dama su kama tambe a muha i esaki no ta sirbi mas. Kualke persona ku por duna un man por yama 696-0707.