Back to Top
Vigilante banner image

Hato a bishitá Akademia di Polis na Hulanda


May 29, 2024 • 1 minüt pa lesa

WILLEMSTAD – Minister di Hustisia Shalten Hato durante su bishita di trabou resien na Hulanda, a bai sera konosí ku e direktor di Akademia di Polis, i a haña informashon tokante e diferente trayektonan di estudio ku e Akademia di Polis di Hulanda ta ofresé den kombinashon ku e skol di polis lokal Opleidingsinstituut Rechtshandhaving & Veiligheidszorg (ORV).

E por a eksperensiá tambe algun di e lèsnan ku aspirantenan di polis ta risibí na Hulanda. “Durante un di e lèsnan mi a haña oportunidat pa tira ku un asina yamá ‘stroomstoot wapen’. Esaki ta ekipo ku nos polis na Kòrsou no ta disponé di dje ahinda. Pa finalisá nos a eksplorá posibilidat pa hasi e trayekto pa bira polis aki na Kòrsou mas kòrtiku.”

Login