Hóben di 13 aña detené pa atrako riba toko
August 28, 2021 • 2 minüt pa lesa
Hóben di 16 aña ku a keda detené pa droga.
Willemstad—- Riba petishon di e tim di atrako e personal di e tim di aresto a drenta den un kas na Montaña unda a detené un sospechoso pa kaso di atrako.
Yegada di e tim di aresto den oranan di mardugá na e kas na Montaña Rey. E kas ku a drenta unda a bai buska e sospechoso.
E sospechoso di 13 aña ku a keda detené pa kaso di atrako. A transporte for di e sitio pa warda di reshèrshi.
Kontinuando ku investigashon relashoná ku un kaso di atrako ku a tuma lugá 21 di ougùstùs 2021 na un toko na Montaña, polis a detené un hòmber sospechoso. Djabièrnè 27 di ougùstùs 2021 alrededor di 05.00’or di mardugá Tim di Aresto a detené e hòben J.P.K. nasé na Kòrsou di 13 aña di edat relashoná ku e atrako ariba menshoná. Tambe polis a tene entrada hudisial den un kas na Montaña Rey kaminda nan a haña i konfiská droga. Relashoná ku esaki a detené e hòmber J.C.K. nasé na Kòrsou di 16 aña di edat, pa violashon di lei di opio.
Mesora a kuminsá listra den un vehíkulo stashoná den e kura di kas. Yegada di e tim di atrako pa asina por a kuminsá ku investigashon den e kura i tambe e kas.
Otro vehíkulo mas ku a wòrdu kontrolá. Saliendo bèk despues di a hasi investigashon na e adrès.
A presentá ámbos sospechoso dilanti un fiskal ouksiliar. Despues di interogashon e hòmber J.C.K., el a rekobrá su libertat i a ordená enkarselamentu di J.P.K. pendiente di mas investigashon. Remarkabel den e kaso aki, ta e edat asina abou di e hóben ku ta sospechá di a tira atrako riba e toko aki. E Tim di Atrako ta sigui ku e investigashon aki i tambe esnan den kas di siudadanonan i no ta ekskluí mas detenshon den e kaso aki òf ku e hóben aki tin mas atrako riba su konsenshi.
Despues di interogashon a pone bèk den libertat. Toko na Montaña unda a tira atrako.
Polis a logra di yega rápidamente na e sitio. Kompilando dato di esnan ku a kometé atrako den establesimentu.
