Rifel transformá den kaliber .22 ku a keda konfiská.

Willemstad —Kontinuando ku un investigashon relashoná ku un kaso di intento di asesinato, maltrato, menasa ku arma di kandela i kiebro den un kas situá den Pelikaanweg ku a tuma lugá den luna di sèptèmber 2022, polis a hasi un detenshon.

 Djabièrnè 20 di yanüari 2023, alrededor di 12.45’or di mèrdia, personal di Reshèrshi di VVC a hasi detenshon di un hòmber sospechoso na un adrès den Puerto Ricoweg. Ta trata di: · R.A.D., nasé na Kòrsou di 21 aña di edat. Despues a tene un entrada hudisial na e adrès ariba menshoná. Polis a haña i konfiská un arma di kandela di kaliber 22. A presentá e sospechoso dilanti un fiskal ouksiliar ku despues di interogashon a ordená su enkarselamentu pendiente di mas investigashon.