Back to Top
Vigilante banner image

Hòmber di dualu pa mas ku 1 dia den mondi


January 18, 2025 • 1 minüt pa lesa

Willemstad—  E tim di UST a realisá un bon trabou ayera den oranan di mainta ora nan a buska ku alma i kurpa un hòmber ku tabatin mas ku 1 dia pèrdí den e aria di Juan Domingo

Den oranan di mainta  trempan un  kantidat grandi di polis ku ta forma parti di e tim di UST a bai den aria di Juan Domingo pa asina yuda buska un hòmber ku tabata pèrdí. Ounke ku awa a seru a kuminsá kai e polisnan no a stòp ku nan búskeda te na momento ku nan a bin topa ku e hòmber drumi abou na suela den un estado basta delikado. Esaki a  pone ku mesora a pidi presensia d ambulans na e sitio pa transportá e víktima pa CMC pa e haña asistensia médiko. A bin saka afó ku e hòmber a dualu bai resultá den e pida mondi pa mas ku 1 dia sin a bebe poko di awa òf haña algu di kome. Sigur un bon trabou di e  tim di UST ku a drenta den akshon mesora despues ku nan a haña e informashon ku e siudadano ta pèrdí.

Login