Back to Top
Responsive image
E korant di pueblo

Hòmber ta resulta aksidentá despues di menasá mama di su yu


June 21, 2020 • 2 minüt pa lesa

WILLEMSTAD,– Andre Damoen a presentá dilanti wes di promé instansia pa poseshon arma kandela i tambe menasa, unda e la atmití e akusashon tambe na momentu ku el a keda detené. Tabata despues ku Damoen a sali su kas i bai Klein Sta Martha pa tuma sèn serka mama di su yu, ku a bini un diskushon pasó e no a haña sèn. Andre na su turno a rabia i ora e tabata bandoná e sitio el a saka un arma kandela i lòs diferente tiru den laira. Tambe lo el a menasá e víktima riba e fecha en kuestion, esta 2 febrüari último. El a skucha kondena di 15 luna prizòn pa e kaso.

Login