Back to Top
Vigilante banner image

Hopi froude ku servisio di kuido


January 20, 2023 • 1 minüt pa lesa

AMSTERDAM—Kriminalnan fasilmente por habri un buro di kuido ku e meta pa hasi froude sin haña kastigu.

No mester di permit pa habri un buro di kuido. Kompanianan di seguro malesa ta atverti pa froude den kuido, prinsipalmente kuido den bario. Nan ta bisa ku ta difisil pa haña plaka bek di gastunan paga  inhustamente i ku kasi no tin investigashon penal. E kompanianan di kuido DSW, CZ, VGZ, Menzis i Zilveren Kruis ta boga pa kambio di lei, pasobra e lei aktual ta sensible pa froude. E lei ta bisa ku un dunado di kuido ku mas di 10 profeshonal mester pidi permit, pero pa dunadonan di kuido chiki esaki no ta konta. Nan mester meldu solamente ku nan ta duna servisio di kuido. Por habri un servisio fasil pasobra kondishonnan ta minimo. Esaki ta blanku pa kriminalnan ku ta duna klientenan fakturanan haltu of ta kobra pa kuido ku nunka a duna. Seguronan ta bati alarma. Kriminalnan por hasi froude sin risiko, hopi biaha nan ta bai bankarota, i seguro no ta haña e plaka bek.

Login