Korte lo trata kasonan di infrakshonnan den tráfiko.

Nieuwe Haven, — Awe ta e dia ku korte lo trata kasonan di infrakshon den tráfiko. Un biaha pa luna riba djarason, korte ta tuma e tempu pa trata tur e kasonan di personanan ku no ta mantené na mes na regla.

Mayoria biaha, parti mainta korte ta trata e kasonan mas “leve” i parti mèrdia bai kue atardi, e kasonan mas “pisá”. Parti mainta tin e infrakshonnan manera pasa den lus kòrá, kore outo sin reibeweis, sin seguro, sin ku e outo ta di kùr, kore outo sin faha di seguridat bistí etc.

Parti mèrdia tin e kasonan mas pisá manera koremente di outo bou di influensha di alkohòl, di manehá outonan di forma inprudente kaminda shòfùrnan ta okashoná akisidentenan tin biaha asta ku morto. Loke a bin ta hala atenshon sigur ta, ku hopi biaha e kasonan di aksidente ku e ta keda okashoná tin di haber ku manehamentu di outo bou di influensha di alkohòl.

Shòfùr nan kada biaha ta keda gará ku nan a surpasá e kantidat di alkohòl ku ta pèrmití pa lei den nan sistema. Lamentablemente ta ku hopi biaha personanan inosente ta bira viktima i esnan ku ta faya ku regla mes ta keda bon bon. Segun un konosedó di e kasonan aki, si polisnan bai kontrolá di formanan mas estrikto pafó di  fiestanan ku ta keda organisá òf pafó di kualke klup nokturno i bar, probablemente hopi but lo keda repartí i e kantidat di hendenan ku ta asistí na e aktividatnan aki, probablemente lo bai baha. Segun e persona aki, mester bai pone hopi atenshon na e punto aki durante temporada di karnaval.