Back to Top
Vigilante banner image

Hopi interes pa e hóben Varenston Vlijt di 12 aña


May 17, 2023 • 1 minüt pa lesa

KRALENDIJK,—-Si tin un isla ku sigur ta karga su kultura na laira ta hermana isla Boneiru i sigur den e bario di Rincon. E bario di Rincon ta e bario ku tin un kantidat di talento musikal. Loke ku sigur ta resaltá, ta e echo ku kada hóben den e bario aki di un manera òf otro ta enbolbí den e parti musikal kultural.

Informashon ku Vigilante Farándula ta disponé di dje ta indiká ku tin masha hopi interes pa e hóben Varenston Vlijt di 12 aña di edat. Ta trata aki di un hóben ku pashon masha grandi mes pa e músika krioyo i e hóben aki ta dominá vários instrumento, kuminsando for di kuarta, barí, wiri, piano i diferente otro instrumento mas. Aktualmente Varenston Vlijt ta formando den e agrupashon Kunuku Boys.

Loke ku Vigilante Farándula por a komprondé ta ku tin negoshashon serio tumando lugá, entre Varenston i dirigentenan di un grupo krioyo nobo. Un ke otro unda ku Vigilante Farándula ta disponé tambe di e infromashon, ku tin tambe un di dos agrupashon musikal krioyo ku ta lantando ku tin masha interes den e servisionan di Varenston.

Pero mirando ku ta trata aki di un hóben ku su edat ta hopi abou i ku e mes no por tuma desishon riba su mes, ta pone ku su mayornan tin ku bai di akuerdo riba kualke deseo i desishon ku Varenston lo kier tuma. Loke ku ta pasando na e momentunan aki rondó di e hóben Varenston Vlijt, tin su tata man na kabes.

Login