Back to Top
Responsive image
E korant di pueblo

Hopi kompania chikí lo no sobrebibí di dos Lockdown


March 25, 2021 • 1 minüt pa lesa

Diferente restorant a anunsiá di sera nan portanan

Punda— Diferente komersiante lokal i konsorsio di kompania ta pensando serio pa sera portanan despues ku Gobièrnu di Kòrsou a anunsiá un di dos Lockdown. Meskos ku tabata e kaso aña pasá, riba Facebook por mira reakshon di diferente kompania ku a keda defroudá.

E struktura di kompanianan chikí i mediano lo risibí sla duru debí na un retraso grandi den forsa di kompra. Un ekonomia dependiente di konsumo lokal manera na Kòrsou ta dependé tambe riba konfiansa. Momento e konfiansa ta basá por ehèmpel riba menasa di morto i infekshon debí na Covid i klientenan no kier sali kas, nos no mester ta un genio pa konkluí ku Kòrsou su ekonomia lo sigui deteriorá te dia nos bakuná. Mester garantisá entrada di kompanianan chikí i mediano kombiná ku frismentu di tur fiansa na banko i supsidiá konsumo di utilidat, e sla ekonómiko lo ta ménos.

Login