Punda— Diferente turista oropeo hospedando na Kòrsou den hotèl a mustra nan prekupashon di e situashon insigur ku a tumando lugá na hotelnan lokal. Na sigur dos hotèl tin agrupashon serio sin ku gerensia dje hotèl a tuma medida.
Vigilante a risibí riba su facebook reklamo prosedente for wéspetnan di ámbos hotèl unda a saka foto di agrupashon na hotelnan. Entre otro, segun e turistanan ta trata di un gruponan lokal di habala hulandes tabata bebe baila i gosa sin límite i sin tene nan mes na distansha sosial. Den un reakshon na Vigilante a menshoná e palabranan ku: “nos ta sinti nos mes insigur den e hotèl debí na falta di distansha sosial. Nos a mira 3 dia largu un grupo hulandes lokal bebe, baila i hasi fiesta na e hotèl. Segun e remarke, pasobra nan tabatin tur kos pagá nan opta pa no sali fo’i dje hotèl i ruina nan vakashon. Na diferente hotel tambe tabatin mesun reklamo ku turistanan no tabata mira personal di e hotèl intervení.