WILLEMSTAD,– Un desaroyo interesante a tuma lugá ayera den oranan di anochi na Seru Loraweg 15. 18.30 or di anochi e tim tras di House of Pilates riba forma ofisial a habri su portanan pa públiko.

House of Pilates tabata orguyoso pa anunsiá e habrimentu di su studio nobo ku ta ofresé diferente tipo di pilates. E studio di House of Pilates ta kompletamente ekipá ku ekiponan di kalidatnan haltu. Alabes tin instruktornan ku ekspertisio dediká pa yuda klientenan logra nan meta di kondishon físiko.

Tambe e studio tin un ambiente amikabel pa tur nivel. No ta importá si bo a kaba di kuminsá òf ta un eksperto, e studio ta ofresé instrukshon personalisá diseñá pa mehorá forsa, fleksibilidat, i bienestar general hasiendo uso di práktika di pilates sea riba mashin òf riba mat.

Kaminda Pilates riba mat tin mas enfoke riba ehersisio kaminda e kurpa ta bira e peso pa hasi e ehersisio, tin “reformer pilates” kual ta usa un mashin spesialisá pa krea mas resistensia. Apesar di mas resistensia tin e enfoke e ehersisionan no ta buta preshon riba skarniernan di wesu si kompará esaki ku ehersisionan mas tradishonal. Por último House of Pilate ta ofresé tin trainingnan “barre” kual ta un kombinashon di balèt, pilates i yoga.

E meta prinsipal ta pa krea un espasio kaminda tur hende por eksperenshá e benefisio transformativo di pilates i barre riba un nivel internashonal. House of Pilates ta e úniko studio kual aktualmente tin su enfoke riba e mashin nan di pilates, pues den otro palabra tin sufisiente mashin pa tur kliente.

Finalmente e tim tras di House of Pilates, Tessa Thijm , Lisa van Haaren i Arlyne Girigorie a agregá ku nan ta masha kontentu pa trese House of Pilates Kòrsou.