Back to Top
Vigilante banner image

Hues a rechasá opheshonnan kontra fecha diskulpa sklabitut


December 16, 2022 • 1 minüt pa lesa

DEN HAAG—Korte na Den Haag a rechasá e demanda di organisashonnan surnameño pa pospone e fecha pa pidi diskulpa pa pasado sklabitut te 1 yüli.

E desishon a kousa hopi konmoshon den sala di korte. Seis fundashon surnameño a eksigí den un huisio sumario pa prohibí ofrese e diskulpanan nashonal promé ku 1 yüli. Riba e dia ei ta kumpli 150 aña di abolishon ofisial di sklabitut. E gabinete kier duna diskulpa dia 19 desèmber. Tambe e fundashonnan kier pa warda ku e diskulpanan te ora haña reakshonnan di kolegio di konseho Dialooggroep pasado sklabitut i resultadonan di e investigashon riba pasado sklabitut kolonial. Tambe nan ta pidi pa keda envolví den preparashonnan riba e diskulpanan nashonal. Hues a bisa ku e no por interveni. No por pisa e demandanan na lei pasobra ta trata di un kuestion etiko. No por evalua tampoko si a viola e norma di koutela. Ta trata di duna ekspreshon na algu ku estado ta sinti obligashon moral. No ta na diskushon si ta tempu pa estado pidi diskulpa. Abogado Breeveld a reakshoná ku desapunto riba e veredikto. Ta hasi inhustisia na e grupo konserni. Ta trata di desendientenan pretu, ku a pasa den atrosidatnan den sklabitut di tres siglo i no ta tende nan awor. Hues a tuma desishon pa duna veredikto verbalmente despues di tratamentu di kaso. Un argumentashon amplio ta sigui despues di dos siman por eskrito.

Login