DEN HAAG—E toke de keda mester keda revoká mésora. Asina korte di Den Haag a determiná den e kaso ku fundashon Viruswaarheid a entama.

E medida a keda tuma ku argumentonan robes, segun hues. Segun e hues e toke de keda ta bai muchu leu i violashon riba derecho di moveshon i esfera personal. Pa esaki mester di un tomo di desishon kuidadoso, segun hues. Pa introdukshon di e toke de keda a hasi uso di e lei di podernan ekstraordinario di outoridat sivil kaminda parlamentonan no a partisipá den tomo di desishon. Segun e hues no tabatin un situashon di urgensia spesial pa introdusí e lei. E echo ku promé ku introdukshon di e toke de keda ta ilustrá segun korte ku no a kumpli ku e kondishonnan spesial pa aktivashon di e lei. E medida a base di lei di emergensia por keda implementá solamente den situashon agudo di emergensia, ku ademas no por keda solushoná ku otro medionan. Konseho di estado a ekspresá resientemente den un konseho su dudanan si a implementá e toke de keda na e manera korekto. Un kambio di e lei por keda realisá riba termino kortiku segun Raad van State den un konseho.