NIEUWE HAVEN—Abogado mr. Niels van der Laan, kende ta defensa di Emsley Tromp den kaso Hercules, a menshoná ku Hulanda a denomina e kaso kontra di Tromp Hercules pa un motibu. Esei ta pa ilustrá nan pensamentu ku Tromp tabata un Hercules na Kòrsou, konforme mitonan griego.

Segun e abogado, fo’i inisio, Hercules no tabata nada mas sino un “kapa” pa pone Rene Lourents papia i deklará kontra di Tromp.  Investigadónan a revelá na Vigilante ku Ministerio Públiko a eksihí pa Lourens pa mesora despues di di detenshon e deklará sierto kosnan kual e no tabata na altura di nan. Momento esei no a tuma lugá, a opta pa tene Lourents aden i listra den su kas siguiente dia pa despues lag’é liber. Tabata riba djaluna dia 13 di mei 2019 den kuadro di e investigashon ‘Hercules’, agentenan di TBO riba órden di Ministerio Públiko a detené Rene Lourens (57 aña di edat ku entre tantu a yega 62). Lourens a wòrdu presentá dilanti wes komisario unda el a keda informá di ta sospechoso dor di a hasi su mes kulpabel na falsifikashon di dokumento na vários okashon. Dia 14 di mei 2019, TBO huntu ku wes komisario a tene un entrada hudisial den kas di e Lourens.

Durante tratamentu djarason último a bin sali na kla ku fiskalnan Saskia de Vries i Henk vd Werff no a logra yega na un kondena kontra di Emsley Tromp den tres korte. Ta indikativo ku tei uza deklarashonnan  di Rene Lourents pa logra yega na un veredikto kontra di Tromp. Lourents, kende por sierto ta hopi malu, tabata e man drechi di Emsley Tromp na Banko Sentral. Hulanda a faya pa kologa Tromp den Safiro, pero ta sperando ku via di Lourenst den Hercules tin mas suerte. A buska Lourents i den e kaso nobo, denominá komo Hercules Ministerio Públiko a pèrsigui Rene Lourents riba sospecho  pa komplisidat den korupshon, labamentu di plaka durante un periodo di 26 di mei 2014 te ku 16 di novèmber 2016 i falsifikashon durante e periodo 20 mei 2009 te ku 24 yanüari 2017.

Na Desèmber 2018, Ministerio Públiko a demandá Emsley Tromp pa paga un suma di 10 mion florin. E demanda tabata pa e kaso Safiro i manera menshoná , Ministerio Públiko a pèrdè i keda den un shòk. 3 aña despues di e demandanan kontra di Emsley Tromp Ministerio Públiko ta bolbe paresé i entamá e proseso di Hercules. Ministerio Públiko for di 25 mei 2021 a manda un sitashon/dagfar pa un tratamentu penal ku mester a tuma lugá riba 1 di yüli último 2021. Na Yüni e akusadonan ámbos a entregá nan opheshon ku a keda tratá riba 14 Sèptèmber pero ámbos a pèrdè den opheshon.

Ministerio Públiko for di 2017, ta persiguiendo Tromp.  Esaki for di 2017, unda a trata na separá e kasonan kontra di Tromp den tres tratamentu. E promé parti a enserá akusashon kontra di desvio pa evadí prosedernan di impuesto i pagamentu. Emsley Tromp a gana Ministerio Públiko tantu den Promé Instansha komo den Apelashon. Via di Rene Lourens, den kaso Hercules, Ministerio Públiko ta kuestioná formulashon di konstrukshonnan di fiansa i opsekio te hasta riba teritorio venezolano. E periodo dje kasonan a tuma lugá segun Ministerio Públiko entre 2007 pa 2014. Algun dje formanan di fiansanan a bini dilanti kaba durante tratamentu den Kortenan penal na 2018 i 2019 i atrobe na 2024, unda hasta ARC, Kámara di Kompatibilidat General a konkluí ku e fiansanan tabata legítimo. Den kaso Hercules a bai presentá  sospecho riba falsifikashon  riba fiansanan  di 1.3 mion dòler i na un okashon 400 mil dòler unda a uza diferente kompania inkluso sukursal di Armani Exchange. Ministerio Públiko a demanda 3 aña pa Tromp i 2 aña mas seis luna pa Lourents.