Back to Top
Vigilante banner image

Hürdonan por bai kobra omzetbelasting ilegalmente pagá na FKP


October 13, 2023 • 2 minüt pa lesa

Willemstad—–Durante e kaso di pareha Merien-Martha hiba kontra Pais Kòrsou i Fundashon Kas Popular tokante e kas di Pueblo ku nan a destrui i hòrtá tur nos pertenensianan, tur e dos identidatnan kera laba man pa no karga responsabilidat pa paga e dañonan kousá.

Pais Kòrsou komo defensa a trese dilanti un desishon di ántes Territorio Insular, data 23 mart 1981, nr. 81/1923, den kua ta kontene ku Territorio Insular (ku forsa retroaktivo te ku 1978 i 1979) a pasa algun trabou di administrashon pa Fundashon Kas Popular, esaki den antisipashon pa sera un akuerdo di maneho i eksplotashon. (Remarke: te ku fecha di awe e dicho akuerdo despues di 42 aña no ta eksistí entre Pais Kòrsou i FKP, e orei FKP ta opera na un manera ilegal)! Kontrali di e loke Pais Kòrsou a defende no por saka afó di e dokumentonan ku Territorio Insular, 23 mart 1981, a pèrdè e kualidat di ta hürdo of ko hürdo di tur e kasnan di Pueblo. Si den praktika a desaroya un  kustumber den kua Territorio Insular, Pais Kòrsou, FKP i hopi otro hürdonan di kasnan di Pueblo a sali fo’i di e punto di bista ku Territorio Insular – ku a keda doño di e kasnan – (ku Pais Kòrsou komo susesor) no por konsidera nan mes mas komo hürdo of ko hürdo manera esaki tabata ántes, Korte a dikta ku e motibunan aki ta insufisiente pa Merien tambe mester a sali fo’i di e punto di bistanan aki. Meskos ta konta p’e hecho ku nan tabata paga hür na FKP i kuminsa kaso kontra FKP,  esaki su punto di bista no ta motibunan pa no konsidera Pais Kòrsou komo hürdo of ko hürdo. Merien por konsidera Pais Kòrsou komo hürdo of ko hürdo. Kontrali na e  lokenan ku Pais Kòrsou a hiba komo defensa, Merien no tin nodi di trese mas hechonan i sirkumstansianan dilanti ku ta hustifika e ko responsabilidat di e hürdo, Pais Kòrsou, banda di e administradó. E komportashonnan di e administradó ta wordu pone riba e responsabilidat di e hürdo. Kemen Pais Kòrsou ta ko responsabel pa tur e dañonan kousa pa FKP na Merien.

Ademas Korte ta splika ku FKP ta pretende ku e ta un administradó (beweerdelijk beheerder) di e kasnan di Pueblo i ku e ta fungi komo hürdo. Korte ta tilda tantu Pais Kòrsou i FKP ku nan no tabata rasonabel esta bon kla p’asina Merien por a sa ta na kwa instansia, Pais Kòrsou of FKP nan mester a dirigi nan demanda. Ta pesei Korte a husga ku e 2 kartanan ku Merien a manda pa Pais Kòrsou ku esakinan tabata kartanan rekordatorio p’asina nan demanda no kaduká.  Esei a nifika tambe ku e kartanan no a kaduká.

Korte tambe a honra Merien ku e pagonan ilegalmente hasi na FKP na omzetbelasting i ku e tin ku risibi tur e suma aki bèk.

Login