E tema di Hustisia Seguridat i Abo.

Punda—Ministerio di Hustisia mester ta orguyoso di nan personal. Despues di 9 aña eksitoso, Hustisia Seguridat i Abo ta sigui kosechá atenshon. E biaha aki riba retnan sosial.

Ta trata di un organisashon di ámtenar, forma for di 9 aña pasá pa duna mas informashon riba e Ministerio di Hustisia. 9 aña largu, un núkleo di ámtenar den e kolòm hudisial públiko a komprometé nan mes pa duna mihó informashon riba hustisia. Nan meta, tabata pa kita e imáhen negativo riba hustisia i mustra e partinan preventivo mas mihó. Asina nan a kuminsá mediante un programa di radio i awor a skakel pa profilá nan mes riba ret sosial tambe, mediante prinsipalmente facebook i opshon di “reel i story”.

Hustisia Seguridat i Abo, ta planeando nan strategia di komunikashon aplikando publikashon di nan kontenido riba múltiple plataforma. Un strategia ku ta bai duna nan bentaha sostenibel i bira e promé Servisio Gubernamental pa inisiá na sera e distansha den komunikashon entre Gobièrnu i Pueblo.