Back to Top
Responsive image
E korant di pueblo

IMF ta konfirmá oumento den Reserva di Divisas


March 5, 2021 • 2 minüt pa lesa

Kenneth Gijsbertha, minister di finansas.

Punda— E Reserva di Divisa pa e Union Monetario (Kòrsou i St. Maarten) a oumentá. Esaki segun un último rekuento di IMF. Ekspertonan monetario a konkluí ku e oumento tabata d 1.28 miar dòler (5.9 luna di importashon) na 2019 pa 1.63 miar dòler (6.8 luna di importashon).

Kòrsou mester mantené un reserva di por lo ménos 3 luna di divisas ku ta igual na 1.1 miar dòler. N’e momentunan aki, ta kalkulá sin e último luna,  Kòrsou su depósito por ta kasi 7 luna di reserva. Esaki ta nifiká ku te ainda nos ta riba e norma pero kon largu esaki lo dura. Miéntras nos ta bai supermerkado i toko pa kome i sobrebibí, nos tin di sigui importá kuminda di pafó. Mas nos sigui kome sin tin entrada di dòler i euro, mas nos reservanan di divisa por baha. Segun Jose Jardim durante un rueda prensa na sèptèmber 2020, Kòrsou ta importando ménos i ta gastando ménos divisa. Entre St. Maarten i Kòrsou tin alrededor di 40 mion florin ménos na importashon mensual.

Manera IMF a menshoná, na e momentonan aki, e fuente prinsipal di divisa pa Kòrsou ta e depósitonan di Hulanda pa finansiamentunan di likides i programa di NOW. Un suma di kasi 700 mion florin na Euro a oumentá e nivel di divisa i kaso mantené e kobertura amplio. Pero

Banko Sentral tambe mester tuma medida pa protekshon di nos divisas. P’esei turismo ta asina importante. Turismo, ku ta e prinsipal sektor di eksportashon di e union monetario, a paralisá kompletamente. Komo resultado, ekonomia di tantu Kòrsou komo Sint Maarten a kontraé. Banko Sentral ya kaba a stòp di duna pèrmit di divisa ku lo hiba na transferensia di fondo pa eksterior, te na próksimo aviso. Esaki ta konta tambe pa petishon di pèrmit ku ya a ser entregá, si nan no a ser prosesá ainda. Transferensia ku mester sosodé a base di un pèrmit duná kaba por tuma lugá sin problema.

Transferensia pa eksterior ku no tin mester di pèrmit di divisa p’e por sigui tuma lugá sin problema. Esaki ta nifiká si nos sigui sin turismo, Banko Sentral mester imponé mas medida di protekshon. Lokual mester prevení ta di laga e reservanan baha mas abou di 3 luna. Den pasado durante dekada 90, nos reservanan di divisa a baha te na 2 luna, lokual a pone ku Ulanda mester a yuda pa mantené e 3 luna na nivel. Ta trata di un areglo konosí komo standby facility ku alabes ta protehá Kòrsou for di “swapping”, esta negoshá riba divisa den eksterior. Algu kasi semi similar ku a sosodé na Venezuela. 

Foto

Login