Back to Top
Responsive image
E korant di pueblo

Informashon tokante Misa nan di Ourora


December 9, 2020 • 1 minüt pa lesa

Punda– Nos ta mas serka di misa nan di ourora ku atraves di tempu a bin ta krese den nos komunidat komo un deboshon na La Bírgen Maria i preparashon pa selebrá Pasku di Nasementu. Kontrali na aña nan anterior pa motibu di e situashon di pandemia, hopi tabata e pregunta i sugerensha nan pa por tòg selebrá misa nan di ourora manera kustumber. P’esei Mgr. Luis A Secco a tuma tempu pa por evaluá kon mas sigur por logra ku nos nobena por keda selebrá ku tur deboshon.

P’esei tumando na kuenta:

  1. Ku tin ainda e medida di “Toke di Keda” ku gobièrnu a emití ku ta di 9 PM pa 4:30 AM pa pais Kòrsou.
  2. Ku misanan di ourora pa un gran parti di nos pueblo ta dia nan hopi spesial i di tradishon pa orario 5 AM.
  3. Uniformidat den nos selebrashon nan, i realidat di fiel nan ku ta biba den e área di Banda Bou.
  4. E último dekreto ku a keda emití i a drenta na vigor 18 Novèmber 2020.

A yega na e desishon ku lo mantene e misa nan di ourora kuminsando di 16 Desember 2020 na e orario di 5 AM. Pa evita ku no ta krea divishon pa loke ta trata e orario di misa, tur parokia ta mantene e mesun orario di 5 AM manera ta e kustumber den nos iglesia i pa e fielnan ku ta asisti personal of via medio nan di komunikashon. E dekreto di 18 di November 2020 ta keda na vigor pa asina mantene tur prekoushon durante nos selebrashon nan.

Login