Awor aki tur kos ta den man di Gobièrnu pa por tuma desishon.

Punda— Vigilante a hiba kombersashon ku sra. Karina Lombardi kual ta e CFO di Curaçao Medical Center esaki a bai tokante di e presupuesto stipulá di 2021 no tin sufisiente pa kubri gastunan di CMC.

E entrevista aki  a bai abase di ku durante un di e rueda di prensa nan ku Gobièrnu a tene señora Lombari a hasi un statement unda ku a lanta basta prekupashon i pregunta den nos komunidat. E statement aki tabata bai abase di ku falta 4 pa 6 siman mas promé ku CMC kuminsá han ku problema nan di likides. Abase di esaki Lombardi a hasi un splikashon di dje durante di e entrevista unda ku e la splika ku for di aña pasa ya nan a anunsiá vários biaha ku e inkorting ku tabatin riba e zorgbudget di 2019- 2020 tabatin un impakto hopi grandi riba nan maneho.

Nan a keda kòrta pa 28 Mion di kual ta kasi 30 mion i esaki tabatin i tin su efekto nan. E parti operashonal tin ku sigui tur dia anto pa esaki por sigui mester yega un momentu ku banda di e parti kaminda ku a haña e kòrta di kasi 30 mion ei, tabatin tambe ku a haña e Covid e problema nan di likides dia pa dia a bira mas grandi. Den luna nan di mart i aprel di e aña anterior mester a stòp tur intervenshon nan elektivo i pa asina e produkshon tambe por a baha i esaki tambe ku su impakto di likides, i fin di aña den luna di Desèmber esaki a bolbe sosodé.

Sra. Lombardi a indiká ku na e momentu nan aki CMC ta bezig ta drai riba un overdrag facility ku banko a pone disponibel pa nan pero nan situashon finansiero ya ta hopi haltu kaba i si sigui fia sèn pa nan no ta un solushon. E fiamentu di plaka aki tabata algu ku nan lo por a uza pa korto plaso pero no pa un periodo largu. Ta asina ku CMC ta den espera di kontesta di Gobièrnu pa asina por sigurá ku e operashon nan lo no bai para. Mirando ku nan no ta hañando kontesta di gobièrnu i tambe ku lo por  yega e ora unda ku e overdrag facility lo bai yega na su fin mester kuminsá alarma.

E la indiká ku esei ta lokual ku nan a hasi, no ta promé biaha ku nan ta hasi esaki ya nan tin basta ratu kaba ta bezig ku Gobièrnu i e bezwaarschrift ku a keda hasi kontra di e begroting 19-20 a keda entrega for di Desèmber 2019. Kemen esaki ta un trayekto basta largu ku nan ta kanando kaba pero ku awor aki no tin stretch mas i p’esei e ta haña hopi importante pa alerta komunidat.

E la sigui splika ku nan a hasi tur lokual ku nan tabata por a hasi i ku tabata den nan alkanse pero awor aki e situashon aki ta den man di Gobièrnu. Pa asina por tuma un desishon pa asina nan tambe por wak kiko nan por hasi ku e parti di kuido.