Back to Top
Responsive image
E korant di pueblo

Inovashon di produktonan Dasani Water i Minute Maid na Kòrsou


December 9, 2020 • 2 minüt pa lesa

Nieuwe Haven– Den e mas ku 82 aña ku Curacao Beverage Bottling Company (CBBC) ta aktivo na Kòrsou e meta di e kompania a keda outéntiko, esta refreská su konsumidónan. CBBC  ta hasi esaki na un manera responsabel dor di krea marka ku e konsumidónan ta gusta i introdusí kada bes mas inovashon.

Un di e inovashonnan aki ta lansamentu di Dasani Purified Water i Dasani Sparkling Water den bleki. Na mes momentu e kompania a lansa sinku sabor nobo di Minute Maid Juice den bleki manera: Guava, Orange, Peach, Mango i Apple. Motibu di e inovashon aki ta e preferensia di algun konsumidó pa redusí nan uso di plèstik.  E bleki nan ta trahá di 70% aluminio resiklá i por sigui resiklá esakinan kada bes di nobo.

Meskos ku tur otro empake di Coca-Cola e bleki nan aki tambe por resiklá 100%. Marketing & Sustainability Manager di CBBC ta agregá: “Riba diferente sitio na Kòrsou tin lokalidat pa depositá e empakenan di moda ku por reusá esakinan i traha otro produkto di nan. Aktualmente Coca-Cola tin un kampaña huntu ku GreenPhenix di kua por gana premionan fantástiko ora entregá empake bashí pa resiklá. Por haña mas informashon tokante e kampaña aki riba www.facebook.com/CocaColaCuracao i riba e website i media sosial di GreenPhenix”.

E marka di awa DASANI semper a kana dilanti riba tereno di redukshon di ‘carbon footprints’.  Esaki a inisiá na 2015 ku lansamentu di e promé bòter ku por resiklá trahá di 35% di mata, e asina yamá ‘PlantBottle’. I awor a agregá Dasani den bleki tambe na Kòrsou.  For di 2006 e djusnan di  Minute Maid di CBBC a bira un konsepto riba e isla. Den transkurso di aña CBBC a sigui ofresé i amplia nan bibida di kalidat ku dies sabor den bòter di 12oz manera Orange, Peach Mango, Cranberry Grape i Tropical Blend.

Komo distribuidó nos ta ofresé alabes pakinan di karton tetra di 6oz den sinku sabor manera e.o esun di Punch Fruit i 100% Apple juice. Pakinan grandi di 1L tambe ta optenibel den sabor Orange Pulpy i Appel. I awor ta agregá den bleki e dushi sabornan di Guava, Orange, Peach, Mango i Apple. Por kombiná e smaknan aki spesialmente durante kuminda na kualke momentu di dia.  

Tur e bibida nan aki ta optenibel na supermerkado, minimarket i diferente restorant na Kòrsou i Boneiru. Pa mas informashon por tuma kontakto ku e departamentu di benta di Coca-Cola na sales@cocacola.cw òf +5999 526-6204.

Login