For di djabièrnè último tabata hasiendo investigashon riba brùg Juliana despues di a bin topa ku algun pertinensha ku a ser lagá atras.

  Willemstad –Ta investigando e kurpa sin bida ku a bin topa kuné ta drif den e bahia di Santa Ana. Esei ta lokual por konkluí foi un komunikado ofisial polis.

Djasabra 24 di sèptèmber 2023 alrededor di 23.58’or, Sentral di polis a risibí notifikashon di un siudadano, ku den bahía di Sta. Anna banda di brùg Emma, tin un kurpa sin bida di un hende hòmber ta drif. Mesora a pone personal di brantwer i di wardakosta na altura ku a saka e kurpa for di den awa. Dòkter di polis a konstatá morto. Ta investigando si ta trata di e persona ku algun dia pasá a kometé suisido dor di bula for di brùg Juliana. Di parti di Vigilante nos ta ekstendé palabranan di kondolensia na famia di e defuntu ku pèrdida di nan ser kerí.