Back to Top
Responsive image
E korant di pueblo

Jaime Cordoba no den negoshashon ku Rene Rosalia


January 11, 2021 • 1 minüt pa lesa

Willemstad,– Informashonnan ku a yega serka Vigilante ta mustra ku e èks lider di partido Pueblo Soberano kende un tempu tambe tabata minister di SOAW i aktualmente ta parlamentario independiente, lo ta den negoshashon ku e Movementu Kousa Promé pa un puesto prominente ria lista. Vigilante mesora a buska kontakto ku señor Cordona kende a bisa nos ku e no tin masha tempu, mirando ku nèt el a yega na un sita. Vigilante a pidié un minüt i a puntr’é tokante di su estado polítiko ku si bèrdat e ta den negoshashon ku MKP.
Señor Cordona a ninga na Vigilante ku e ta den negoshashon ku señor Rene Rosalia pa un puesto riba e lista di Movementu Kousa Promé. El a bisa Vigilante ku esaki no ta kuadra ku e bèrdat i ku tampoko e por papia nada na e momentunan aki di su moveshonnan polítiko, pues e no por bisa nos na kua partido e lo bai afiliá òf a afiliá kaba. Echo ta si ku e lo sigui den polítika i ku pronto nos lo sa riba kua lista e lo ta pa e próksimo elekshon di dia 19 di mart 2021.

Login