Back to Top
Vigilante banner image

Jansen i Tromp ku a debutá a kaba kos pa Atlanta


August 15, 2022 • 1 minüt pa lesa

E kècher arubano Chadwick Tromp, huntu ku e picher YDK, Kenley Jansen.

MERKA—Picher YDK Kenley Jansen a drenta pa kaba kos, unda e la forma bateria ku kècher arubano Chadwick Tromp, kende den e wega ei, a hasi su debut ku Atlanta den beisbòl di liganan grandi.

Pues un picher i kècher di nos, huntu pa promé biaha den MLB. Esaki den wega djasabra último unda ku Atlanta a gana di Marlins 5-2, ku Chadwick bayendo di 4-3, konektando 2 doblete i a empuhá 3 kareda i Kenley a salba e wega.

Login