Back to Top
Responsive image
E korant di pueblo

Jennifer Statia di CMC: Mi mester separá mi fo’i mi mama pa kuida esnan ku Covid


December 9, 2020 • 2 minüt pa lesa

Otrobanda—Últimamente CMC a graba video kaminda ku un kantidat di enfermera/o ku ta traha den departamentu di Covid a konta kon nan eksperensia tabata durante e pandemia aki.

Sra. Jennifer Statia ta un di e enfermeranan ku ta traha den e departamentu di Covid. Jennifer a duna di konosé ku nan di basta tempu kaba ta trahando ku e pashènt nan di Covid, esaki ta for di Mart ku nan a risibí e promé pashènt. Na e momentu nan aki si e kantidat a subi bastante. E la splika ku e vírùs aki a dal CMC hopi duru i ku tambe kada un personal di e hospital ta sintiendo esaki.

Na momentu ku e pashènt yega CMC nan ta sinti nan hopi sofoká, ku un nesesidat asina grandi di oksígeno i nan tin ku bai yuda e pashènt ku esei.  E la sigui splika ku tin ora e ta duna resultado i tin ora esaki no ta resultá. Na momentu ku esaki no duna resultado nan tin ku usa un otro strategia pa e pashènt por hala rosea mas mihó. Nan a haña pashènt nan yòn, hende nan di edat i tin biaha asta persona nan ku tin peso haltu. I e la splika ku na momentu ku un pashènt ta obesita esaki ta bira un tiki mas difísil pa e persona hala rosea, debí ku e tin defisiensia ku oksígeno. Nan ta yuda e pashènt nan te kaminda ku nan por ku asistensia di dòkternan. I nan ta hasiendo un trabou hopi duru.

I pa ku su bida sosial, e mester a separá for di esaki. E mester a separá for di su mama, rumannan for di su trabou. Debí ku su mama ta malu na kas e no por bai bishita e manera e tabata hasi ántes, pa asina e por a evitá di tin muchu kontakto ku su mama. Jennifer a splika ku nos mester kuminsá kuida nos famia, konosínan i tambe esnan rondó di nos. Mester tuma sierto esfuerso pa asina si abo ta esun ku tin e vírùs bo no pega esnan rondó di bo. E la finalisá bisando nos mester kuminsá wak pa nos hende nan i tambe nos mes i ban kuida.

Login