WILLEMSTAD—-Pa medio di e komunikado aki, gerensia di Jetair kier a informá su klientenan / pasaheronan ku Jetair ta konfrontando problema tékniko kual a resultá den kanselashon di buelonan entre 19 di mei pa 24 di mei 2024. 

Jetair su departamentu di mantenshon a hasi un chekeo djasabra último i a indiká ku mester hasi un

kambio di motor kual lo tuma algun día. Esaki ta pa garantisá seguridat di nos pasaheronan i tripulashon. Jetair ta kontaktando tur su pasaheronan I ta tratando na buska solushon pa asina tur pasahero por yega nan destinashon. 

Gerensia Jetair ta lamentá tur e reakshon i spekulashonnan negativo ku ta bayendo rònt den media.