Back to Top
Vigilante banner image

Jurrien Timber a alargá su kontrato te 2025 ku Ajax


August 19, 2022 • 1 minüt pa lesa

Jurrien Timber te ku aña 2022 ku Ajax.

HULANDA—E futbolista oriundo di nos isla, kende ta un di e oochinan di 21 aña di edat, respektivamente Jurrien Timber, a alargá su kontrato ku e ekipo di Amsterdam di Hualnda, Ajax ayera.

Esaki unda ku awor lo e bai ta ku Ajax te ku aña 2025. Un ke otro despues ku a kibra e kombenio ku tabatin pa tèrminá na aña 2024 i a yega na un akuerdo nobo.

Tur esaki despues di a bin ta destaká ku e ekipo i inkluso a alkansá pa ta parti di e selekshon nashonal di Hulanda, rumbo Qatar 2022 i tabatin diferente ekipo, prinsipalmente esnan tòp di e kompetensia di futbòl máksimo na Inglatera, ku interes den su persona.

Momentu ku Jurrien ta firmando su akuerdo nobo ku Ajax.

Ajax sinembargo a logra pa mantené e defensor Jurrien na kas, despues ku durante di un temporada i mei, e la hunga 77 wega ku e ekipo, den kual e la anotá na 4 okashon. Jurrien a kampionisá na 2 okashon kaba ku Ajax den Eredivisie i tambe a gana TOTO KNVB-beker ku e ekipo.

E akto ofisial di firmamentu a tuma lugá den kompania di entre otro e futbolista su representante, kende ta su ruman, Christopher Coffie, su señora mama, tambe su wela i demas rumannan.

Sigur tabata algu bunita, pa wela tambe gosa di e okashon, unda entre otro pa promé biaha e tabata den Arena i sigur a keda impreshoná i super kontentu ku e stadion i naturalmente e desaroyo di su nietu(nan) futbolista.

Jurrien mei mei di wela i mama i demas rumannan, ku su kamiseta ku ta indiká ku e ta ku Ajax te ku 2025.

Login