Back to Top
Responsive image
E korant di pueblo

Jury Nita ta na Hulanda i tin e chèns ku ta graba e ta bai graba un komposishon di Skwiri


September 29, 2020 • 1 minüt pa lesa

WILLEMSTAD,—-E popular kantante den género di Tambú Jurella “Jury” Nita ku ta forma parti di Grupo Limania, aktualmente ta na Hulanda i e kantante a keda señalá den kompania di e kantante kompositor Skwiri ku ta gerente di grupo Limania.
Di informashon risibí ta bisa ku e chèns ta grandi ku e kantante Jury Nita por bai drenta den studio di grabashon ku un komposishon di Skwiri. Titulo ku e kantante menshoná por bai graba ta “Ta wanta, bo no por wantami”. E piesa aki lo bai ta riba e CD nobo di grupo Limania ku manera Skwiri yega Kòrsou esaki lo bai ta riba merkado.
Na e momentunan aki tin tres kantante ku ta forma parti di grupo Limania na Hulanda, ta trata aki di Sherel Semeleer, Jury Nita i Skwiri Hooi. Esaki ta nifiká ku sigur lo bai tin algun grabashon ta bai tuma lugá, mirando ku fin di aña ta den kurpa i ta diferente grupo ta den studio di grabashon òf tin di nan ku ya a hasi nan grabashonnan kaba.
Vigilante Farándula su fuente na Hulanda tin e tres kantantenan bon vigilá. Esaki ta nifiká ku kua moveshon ku nan hasi esaki ta yega serka Vigilante Farándula. Pa loke ta trata e kantante kompositor Skwiri Hooi e tin un piesa nobo na kaminda ku ta hiba di titulo “Ba lubidá ku mi mes ta mi mes”. I mester tene kuenta ku e piesa nobo di Jury Nita “Ta wanta bo no por wantami”.

Login