Willemstad,– Un tim formal forma pa Polis, Milisia,  UBW,  Meo  i  tambe  BAB a bai hasi un kontròl den  e  bario  di  Juan  Hato  na unda a bin topa un kas ku   a   wòrdu   transformá   den  un  snek  miéntras  ku  ya  Toke  De  Keda  tabata  na vigor.

Ounke  ku  tin  Lockdown  i  tambe Toke de keda tòg un persona  a  opta  pa  transformá  un  kamber  den  un  kas  na  Juan  Hatoweg  den  un  snek  pa  asina  por  a  sigui  gosa.  Djasabra  den  oranan  di  anochi  e  tim  di  kontròl  a  haña  e informashon ku den e  bario  di  Juan  Hato  pa  ta  mas  eksakto  Kaya  Garapa  mester gosamentu i aglomerashon miéntras ku esaki no ta  permití  pa  e  temporada  aki. Mesora a tim a bai na e adrès  indiká  unda  enbèrdat  a bin topa ku algun vehíkulo hinka den e kura di kas.

For di na entrada di e kas a bin topa ku un ko’i shushi yena ku kahanan di serbes bashí ku ta duna e indikashon  ku  tabatin  uso  di  alkohòl  pisa.  Ora  a  drenta  den  e kas a bin tuma nota ku e transformá un parti di e kas den  un  mini  snek  na  unda  tabata gosa di e anochi. Na yegada  di  e  tim  mayoria  di  esnan  presente  a  kuminsá  sali pa bandoná e sitio  pero a wòrdu para pa asina keda kontrolá    i  atendé  riba  nan  komportashon.  A  bai  atendé ku esun  ku e kas  ta na su enkargo na unda e la risibí un but.