Reshèrshi di e departamentu kontra aktonan inmoral a detené e kandidato pa asina por sigui ku e investigashon.

Willemstad—-Tin un investigashon andando unda a detené kandidato di  un partido polítiko despues ku e ta wòrdu sospechá di a kometé aktonan inmoral.

Den siman aki outoridatnan ku ta investigá aktonan kontra moral a hasi detenshon di un hòmber ku ta wòrdu sospecha di a kometé aktonan inmoral ku un kriatura.  Tabata despues di su detenshon a bin tuma nota ku e sospechoso ta eligibel riba lista di un partido ku ta bai tuma parti na e elekshon benidero den mart. Despues di su detenshon mesora e la keda presentá dilanti di un Fiskal  ousiliar kual a ordená su enkarselashon pendiente mas investigashon den su kontra.  E chèns ta grandi ku awe e lo wòrdu presentá dilanti di un hues komisario pa asina por bai evaluá su detenshon. Ta trata di un kandidato riba lista di un partido ku resientemente tabata den Gobièrnu pero na e momento aki ta den oposishon.