Back to Top
Vigilante banner image

Kasi 5,5 mion pasahero na Schiphol den aprel


May 17, 2024 • 1 minüt pa lesa

AMSTERDAM–Kasi 5,5 mion hende a biaha luna pasa via Schiphol, un oumento di 7% kompará ku mesun luna den 2023.

Mayoria pasahero a biaha den Oropa i Merka. E kantidat di vuelonan pa i for di Schiphol ta 39.142, un oumento di 8% kompará ku 2023. Di e 5,5 mion pasahero un kantidat di 3,6 mion pasahero direkto pa of for di Schiphol. Nan a sali of yegq airport. 1,8 mion pasahero a pasa Schiphol di transito. Ta trata di 900.000 pasahero úniko ku den e registro internashonal ta konta dos biaha: komo pasahero na yegada i salida. Un kantidat di 3,9 mion pasahero ta bini di Oropa i 1,6 mion di un destinashon internashonal pafó di Oropa. Inglatera tabata e destinashon mas popular, sigui pa Spaña, Italia, Merka i Turkia. E kantidat di vuelonan di i pa Schiphol tabata 39.142, un oumento di 8% kompará ku 2023. Un kantidat di 32.101 vuelo a bai pa destinashonnan Oropeo i 7.041 pa destinashonnan internashonal.

Login