Nieuwe Haven—Korte a trata kaso kontra di e dos hòmber nan Adrian Francisco E i Charlton L. unda ku ta sospecha nan di ta involukrá den e kaso “Themis” kual ta e kaso kontra di e yu di Kòrsou S. Quant  (Tyson) ku a keda detené na Dubai. Ta akusá nan di labamentu di plaka i ku ta forma parti di e banda kriminal di NLS.

E kaso no a keda trata den su totalidat paso e tabata Pro Forma, unda ku abogado mr. Vaders huntu ku mr. Murray a pidi di por a laga nan klientenan bai kas miéntras ku ta sigui ku investigashon den kaso di e akusadonan. Wes a anulá e petishon paso segun wes e ta haña ku tin sufisiente prueba den nan kontra pa asina nan por keda detené.