Back to Top
Vigilante banner image

Kasonan di ladronisia ta lantando kabes e lastu dos simannan aki


May 29, 2021 • 2 minüt pa lesa

Basta kasonan di ladronisia ta keda registrá tur dia.

Willemstad- Pa loke ta trata kasonan di ladronisia esakinan a kuminsá ta oumentá diariamente. Den e último dos simannan ku a transkurí unda medidanan a suavisá por mira sigur un kasonan di ladronisia a kuminsá ta lanta kabes bek. Ku esaki sigur mas di 5 kaso di ladronisia ta keda registrá.

Basta negoshinan i tambe kasnan di famia a bira blanko di malechornan den oranan di mardugá. Apesar ku tin un toke di keda ku ta konta di 11’or di anochi pa 4.30 di mardugá tòg malechornan ta haña un chèns pa sali i kibra negoshi òf kasnan di famia. Durante dia tambe tin kasonan di ladronisia ku ta keda registrá den kasnan di famia na momentu ku habitantenan sali bai traha malechornan ta fiesta den nan bibienda.

Hopi destrukshon ta keda hasi na momentu ku malechornan drenta den bo propiedat lagando bo sigur ku un debe atras ku mester drecha e porta òf bentana i riba esaki ta hòrta bo pertinenshanan. Apesar ku tin hopi medio pa protehá bo bibienda for di malechornan esakinan tòg ta mira e manera pa drenta den bo lugá. Tin asta barionan ku a pone bòrchi indikando ku tin gruponan di app ku esnan den e bario mes ta vigilá tòg malechornan no tin kunes ku esakinan. Kibra drenta den bo kas i bai lagabo sin pariba sin pabou.

Pa loke ta negoshinan tambe a kometé kiebronan lastu dianan unda a trata na bai ku kluis, a logra di bai ku piesanan di outo i otro artíkulonan mas. E situashon tabata hopi bon kontrolá unda den diferente barionan ta tin polis huntu ku personal di seguridatnan ku ta patruya di un forma preventivo pa asina evitá kiebro.

Login