Back to Top
Vigilante banner image

Kasonan Penal riba impuesto atrasá 2017 ta sigui normal


May 15, 2023 • 2 minüt pa lesa

Javier Silvania.

Nieuwe Haven—Ministerio Públiko den un karta 14 di mart 2023, a manda súplika E Tim di proyekto riba Impuesto mas detaye riba e eksonerashon di debenan di impuesto mas bieu ku 2017 bini abou. Ministerio Públiko ta prekupá ku durante nan prosedimentu kontra di froudenan fiskal, Korte por deklará nan no legítimo, debí na e maneho nobo na Ontvanger.

Den karta 19 di mart 2023, Minister di Finansas Javier Silvania a kontesta Ministerio Públiko ku nan no mester prekupá pasobra segun e minister no ta papiando di eksonerashon di e debenan. Segun e minister ta un Maneho Nobo na Ontvanger for di finalnan di yanüari. E minister a sigurá Ministerio Públiko di no prekupá i ku nan por sigui normal ku nan persekushon di e kasonan apesar di e Maneho Nobo na Ontvanger. Entretantu den seno di konseheronan fiskal, a manda súplika atraves di e dekreto di LOB pa gobièrnu suministrá.

E minister ya a menshoná na Parlamento di tin kondishonnan bou di kual por yega na e eksonerashon 2017. Unu di nan tabata ku no mag tin persekushon penal. Segun minister di Finansas, Javier Silvania, na e momentunan aki e kantidat di bezwaarschriften ku ainda mester wòrdu trata ta 55.000.mBásikamente, e adaptashon di maneho di kobransa ta enserá ku aanslagen enkuanto 2017 òf mas bieu lo no wòrdu kobra aktivamente, teniendo kuenta ku 3 eksepshon. Segun e minister, e kambio den maneho no ta enserá ku a duna abolishon (“kwijtschelding”), pero ku Servisio di Impuesto ta konsentrá su kapasidat limitá pa kobra aanslagnan mas yòn (2018 bai ariba) kual ta subi e posibilidat di kobransa. For di 10 di òktober 2010 Ontvanger a keda mantené e maneho di sanashon ku tabata vigente na Eilandsontvanger. E maneho aki a kontinuá en prinsipio te na instalashon di Gabinete Pisas 2 yüni 2021. Pisas 2 a duna for di su instalashon prioridat na kobransa di impuesto i primanan sosial i na eliminashon di atrasonan atministrativo na belastingdienst. Segun Silvania Pisas 2 a introdusí un maneho (sanering) riba impuesto i primanan sosial adaptá konforme e akuerdo di gobernashon 2021-2025. E maneho aki, al kontrario di e otro manehonan anterior, a wòrdu hasi públiko di moda ku tur hende por a hasi un apelashon riba esaki. Es desir ku e maneho di Gabinete Pisas 2 no tabata pa “family & friends”, pero pa hinter pueblo.

Segun Silvania, den pasado a apliká vários reglanan (regelingen) di sanashon di debenan di impuesto i primanan sosial (esta e asina yama sanering) i tambe a yega di apliká e asina yama “opschoning” di e aanslagnan di impuesto i primanan sosial ku no a wòrdu paga. Mi ta duna un resúmen di e diferente opschoning ku a yega di tuma lugá. Promé ku 10 di òktober di 2010 e Bestuurscollege di Kòrsou tabata apliká entre otro e 75/25 regeling, sigun kual por a paga 75% di e montante ku debe na impuesto. E 25% ku tabata resta tabata wòrdu kanselá bou di kondishonnan di Ontvanger. For di 10 di òktober di 2010 Ontvanger a keda mantené e maneho di sanering ku tabata vigente na Eilandsontvanger (Minister Jamaloodin). E punto di salida den e tempu ei tabata ku 80% di e montante ku debe na impuesto mester a ser pagá inmediatamente. E resto, 20% di e montante ku  debe, tabata ser kanselá bou di kondishonnan di Ontvanger. E promé opschoning despues di 10 di òktober 2010 a tuma lugá na aprel 2013, kaminda a integrá e sistemanan di datonan di Landsontvanger i di Eilandsontvanger.

Login