ENSCHEDE—Un eks-trahadó di Hogeschool Saxion na Enschede a haña kastigu di trabou di 200 ora pasobra el a horta eksamennan i bende.

El a bende kasi 400 eksamen. Tres hòmber ku a yud’e a haña kastigu di trabou di 120 i 140 ora. E eks-trahadó no tabata dosente na e skol, pero tabata traha den atministrashon di e buro. Aki el a horta i bende eksamennan riba petishon pa 15 te 30 euro na dos studiante di e skol. Nan tabata bende e eksamennan na un homber na Enschede ku tabata bende esaki pa 120 pa 150 euro pa kada eksamen na e studiantenan segun RTV Oost. E sospechosonan mester paga daño na e skol. Sospechosonan a hasi daño na Saxion i studiantenan, segun hues. Si Saxion no por a garantisá konfiabilidat di e toets, esaki lo tabatin konsekuensianan grandi pa tantu studiantenan. E kaso di froude a duna Saxion mal nòmber, segun korte. Saxion a detektá e froude den februari 2022 despues di un melding di dos eks-studiante. Di forma anonimo nan a meldu ku un trahado di e departamentu di eksamen tabata ofrese esaki. E skol avansá mésora a tuma kontakto ku reshèrshi ku a kondusi na e trahadó di 40 aña. a suspende e hòmber pa despues dune retiro. Durante un tratamentu di kontenido den korte e sospechoso a bisa ku bendementu di e eksamennan a bai asina fasil ku e no a pensa riba e konsekuensianan.