Low Martines den detenshon  a kai net chikí di 500 voto personal.

Punda,– Banda di e partidonan MFK i PNP, tur otro partido a risibí ménos voto kompará ku 2021. E partido ku pa elekshon 2025 a risibí un redukshon supstansial ta partido Kòrsou Esun Mihó liderá pa Jason Fullink.

Un partido ku a eksperenshá e kaida di mas grandi den elekshon 2025 ta partido KEM. Partido KEM a produsí solamente 2525 voto kaminda na elekshon 2021 KEM a logra di drenta parlamento ku alrededor di 4552 voto. E biaha aki e partido a risibí su promé gòlpi elektoral kaminda solamente tempu lo determiná kiko e próksimo akshon lo bira den e futuro di Kòrsou Esun Mihó.

Pa mas o ménos 3.5 aña Michealangelo “Low” Martines tabata hiba diskushon nan sólido i konsiso den parlamento. Despues ku partido PNP a retirá for di e koalishon, tabata Martines tabata esun ku a deklará ku kontinuidat gubernamental ta mas importante ku un kaida. Pues el a bin uni ku partido MFK i Zita pa sigui finalisá ku periodo di gobernashon di gabinete Pisas II. Despues ku Loo a djòin e koalishondi gabinete Pisas II,  e persepshon públiko di partido KEM sigur tabata move den e bon direkshon. Komo ku Low tin un karchi kastigu relatá na delitonan penal 15 aña pasá, nunka e mandatario no por huramentá mas komo minister. Komo akshon temporal e intenshon tabata pa huramentá Jason Fullink komo minister pa asina finalisá e último luna nan di gobernashon. Apénas algun dia promé ku huramentashon di Fullink komo minister di SOAW, Low ta keda detené riba akusashon di labamentu di plaka i trafikashon di droga.

Aktualmente tin tur indikashon ku na yüli 2025 e kaso kontra di Low Martines ta den tratamentu di korte penal. Pero ya kaba e abogadonan ta diskutí kon por ta posibel ku ta detené Low apénas algun dia promé ku huramentashon di su minister, mirando ku e pruebanan lo tabata riba mesanan di outoridatnan pa basta tempu kaba. Despues ku e detenshon di Low, partido KEM a apuntá dos hóben, Jason Fullink i Raichel Sint Jacoba pa sigui liderá e partido. Mirando ku Sint Jacoba tabata nèt kòrtiku di un asiento na 2021, tabata tin basta indikashon ku KEM sigur lo bai sigurá por lo mínimo 1 asiento.

Na final di dia a bin resultá KEM a logra akumulá 2525 voto, kual no ta sufisiente pa un asiento den parlamento di Kòrsou.