Back to Top
Responsive image
E korant di pueblo

Kenneth Gijsbertha: Ta bai bini ku reforma den gaming i gobièrnu su kaha lo haña mas ku 200 mion florin


February 12, 2021 • 1 minüt pa lesa

Willemstad,– Minister di finansa señor Kenneth Gijsbertha ta splika ku lo bai bini reforma den “gaming” aki na Kòrsou i lo bai trata na tene esnan na Kòrsou, pero lo kier bini ku mas kontròl. E titular di finansa ta bisa ku ta bai restorá gaming control booard i e ta bira un gaming autority i lo bai trese kambio tambe den hinter e statuto.

Minister Gijsnertha ta splika ku su bo tabatin un “bestuur”, awor e ta bai bira tres, kaminda esun ku ta emití lo no ta esun ku ta aktua.

Den kuadro di esaki, minister ta bisa ku resientemente a logra ku Kòrsou no ta bai riba e lista pretu. Pues mester keda salbaguardiá e parti aki tambe. Señor Gijsbertha ta sigui bisa ku e punto ta ku na momentu ku kaba ku e proseso aki, lo ta un garantia ku gobièrnu su kaha ta bai haña un 200 mion mas, kual nunka tabata e kaso.

E ta sigui bisa ku e kambionan aki Kòrsou lo bai haña e fondo ei i ku ta p’esei Hulanda a hink’é den landpakket i nan tambe ta hasiendo esfuerso pa logra esaki, tresiendo e sistema pa Boneiru.

“E sektor aki ta unu sumamente lukrativo i hasta tin pais su ekonomia ta dependé di e sektor aki manera entre otro un pais manera Malta”, asina minister di finansa señor Kenneth Gijsbertha a duna di konosé.



Login