Back to Top
Vigilante banner image

KFC ta integrá pago di MCB na ‘Smart Kiosk’


January 26, 2023 • 2 minüt pa lesa

Willemstad,– KFC Sta. Maria  a  ofisialisá e promé Smart Kiosk di KFC ku pago di MCB integrá. Esaki ta nifiká ku for di djamars ultimo i  padilanti e servisio ta aún mas lihé.

Di akuerdo ku Shurhensley Thielman di HUCOR, “E restorantnan di KFC ta masha stimá pa henter komunidat, i por sosodé ku ta forma liña pa warda riba pedido. Pa KFC tabata importante pa disminuí esaki i entregá loke wòrdu pidí na e kiosko inteligente aún mas lihé. Awor, esaki ta un realidat. MCB ta fasilitá uso di e Smart Kiosk ku pago mesora na KFC. E Smart Kiosk ta disponibel  na KFC Sta. Rosa, Brievengat i Sta. Maria”.

E kolaborashon di MCB i Acrelec a pèrkurá pa integrá e pago riba e resibu di KFC hasiendo uso di e terminalnan di MCB ku ta integrá den e Sistema di POS-pa-POS. Esaki ta fasilitá e opshon ‘self-service’ pa hasi pedido i paga. Un nota interesante pa kualke kliente di KFC ta ku awor e resibu di e mashin di swipe ta huntu ku bo resibu di KFC, esaki ta nifiká ku no tin 2 resibu mas, sino unu. Ademas di ta mihó pa nos medio ambiente ya ku ta usa ménos papel, e servisio ta hopi mas lihé tambe. Di awor en adelante por TAP, SWAIP i asta paga dirèkt ku bo telefòn (ApplePay òf GooglePay), buska bo pedido i kla.

Segun Sigmar Mensing, gerente di Cards & Payments Solutions di MCB, ta indiká ku MCB komo un banko inovativo, ta importante ofresé tipo di solushonnan inteligente asina na nos klientenan. Den e kaso di KFC nan tin un tremendo produkto di ‘self-service’ ku un aplikashon touchscreen. Ta mas ku lógiko ku MCB fásilmente por tuma kargo di e prosesamentu di Maestro, Kompa Leon, Visa, MasterCard, te asta di American Express i Discover si esaki ta rekerí. E bentaha di e solushon inteligente aki ta, ku e por aseptá pago di un variedat amplio di tarheta inkluyendo Kompa Leon miéntras ku MCB ta pèrkurá pa e seguridat finansiero di e transakshonnan”.

Login