Kandal di e depósito tambe a keda destruí.
Willemstad—Den oranan di mardugá Polis di Montaña mester a bai na un establesimentu chines situá riba e kaminda pa bai Montaña pa un kaso di ladronisia.
Tabata den oranan di mardugá ku ladron a logra di kibra drenta den Fu Wah restorant riba kaminda Jose Anthonia. A destruí kandal di dos porta di heru pa asina por a yega na e depósito. Mirando ku esnan ku ta manehá e negoshi no ta biba na e sitio no por a saka afó kiko tur e ladronnan a logra di bai kuné. E polisnan a keda di regresá den oranan di mainta pa asina wak kiko tur e doño di e negoshi por a pèrdè. Si a tuma nota ku e ladronnan a drenta den e depósito. E polisnan a trata di tur manera pa drenta den kontakto ku esnan ku ta manehá e negoshi pero esaki ta enbano.