Back to Top
Vigilante banner image

Kiko Colombia mester pa importá gas for di Venezuela den un aña?


November 23, 2023 • 1 minüt pa lesa

E plan i petishon tabata pa kuminsá na dezèmber 2024 ku Pdvsa.

BOGOTA – E plan di importashon di gas for di Venezuela pa Colombia lo mester inisiá na dezèmber 2024, segun akuerdonan ku Ecopetrol, pero esaki mester di kambio nan relashoná ku gasodukto binashonal, ku den pasado a permití eksportashon di gas pa Venezuela i den aktualidat ta den un periodo di stabilisashon di ekipo pa pèrmití fluho nan di gas pa Colombia.

Ecopetrol ta desaroyando i madurando e proyektonan afó ku su sosio nan Shell, OXY i Petrobras, pa asina garantisá e suministro di gas natural ku por kubri e demanda nashonal.

Den mesun rosea, e empresa ta analisando e alternativanan presentá pa e empresa di petroli di Venezuela, Pdvsa, kua a bira ofisial durante e bishita di dia 18 di novèmber di e presidente Gustavo Petro na Venezuela. Esaki pa asina e pais suministrá gas natural na Colombia for di dezèmber 2024.

Ecopetrol a señalá ku, konosiendo e antesedentenan i nesesidat di importashon di gas pa próksimo añanan, e atministrashon mester evaluá mas serio e alternativanan pa sigurá disponibilidat di gas den kantidat i tempu rekerí.

Luz Stella Murgas, presidente di Naturgas, a splika ku Colombia mester konstruí un Plan Integral di Seguridat Energétiko ku por duna prioridat i agilidat na eksplotashon i desaroyo di deskubrimentu pa garantisá esaki.

Pa Murgas, Colombia no por renunsiá na mantené i fortalesé su soberania energétiko. E deskubrimentu di gas natural kosta afó ta ratifiká ku Colombia tin gas natural pa ta outosufisiente. Di aki e importansia di traha di manera artikulá pa pèrmit, konsulta previo i invershon oportuno. Tur esaki pa aselerá i inkrementá  e eksplotashon i produkshon na e pais.

Login