Tur ingrediënte di un bakuna ta hunga un ròl importante pa garantisá ku un bakuna ta seif i efektivo. Pa kuminsá un bakuna ta kontené un antígeno, esaki ta e vírus òf bakteria ku ta kousa e malesa, den un forma mas suak òf morto. Loke e antígeno aki ta hasi ta drenta nos kurpa i pone nos sistema imunologiko rekonosé i traha antikuerpo kontra di e antígeno aki pa ora keda infektá realmente ku e vírus òf bakteria ya nos kurpa ta kla pa kombatí esaki.

Tambe un bakuna ta kontené e asina yama adjuvante, esaki ta un produkto ku ta yuda stimulá i boost nos sistema imunológiko. Pues e ta yuda e bakuna funshoná mihó.

Den un bakuna tin ingrediëntenan pa konservá tambe, esaki ta yuda sigurá ku e bakuna ta keda efektivo. Por último, un bakuna ta kontené ingrediëntenan pa stabilisá e bakuna i ta duna protekshon durante almasenamentu i transporte.

E ingrediëntenan di un bakuna por parse deskonosí ora mira nan riba etiketa di e bakuna. Sinembargo, hopi di e komponentenan utilisá den bakuna ta produktonan natural di nos kurpa, medio ambiente i kosnan ku nos ta kome. Tur ingrediente di un bakuna, i tambe e bakuna mes, ta wòrdu di tèst rigorosamente pa sigurá ku nan ta seif.