Back to Top
Responsive image
E korant di pueblo

Klaridat tokante di benta di bebida alkohóliko den kuadro di lei seku


December 9, 2020 • 1 minüt pa lesa

Bibidanan alkohóliko ku ta wòrdu bendé na  toko, tienda,
minimarket i supermarket no ta pa uso na e sitio, pero únikamente pa bai kuné.

Willemstad—- Kuerpo Polisial ke trese aklarashon pa loke ta benta di bebida alkohóliko dor di establesimentunan den kuadro di e Dekreto Ministerial ku ta atendé lei seku ku ta na vigor.

Solamente establesimentunan di Horeca, ku ta disponé di un pèrmit konforme e ordenansa ku ta regla pèrmit (Vergunningslandsverordening), por bende bebida alkohóliko. Bou di establesimentunan di Horeca, por komprondé toko, tienda, minimarket i supermarket.

Bibidanan alkohóliko ku ta wòrdu bendé na e establesimentunan ariba menshoná, no ta pa uso na e sitio, pero únikamente pa bai kuné.

Pues no por bende e bebida habrí ni inmediatamente pa uso na e sitio.

Bou di ningun sirkunstansia, ni pa konsumí na e sitio ni pa bai kuné, por bende bebida alkohóliko na snèk, bar cafe òf restorant.

Pa motibu ku snèk, bar cafe òf restorant no ta kai bou di establesimentu di pèrmit konforme e ordenansa di pèrmit (Vergunningslandsverordening).

Esaki kontrali na posibel impreshon ku anteriormente a keda kreá.

Eksepshon riba benta òf entrega di bebida alkohóliko pa uso na e sitio, ta konta únikamente pa hotèlnan i lugánan di hospedahe ku ta operá ku un pèrmit, te asina leu ku e benta òf entrega di bebida alkohóliko ta pa wéspetnan ku ta keda den e hotèl òf e lugá di hospedahe.

Login