Nada: segun Raympond Knops ayera, no tin niun akuerdo riba COHO.
Punda—Sekretario di Estado Raymond Knops, ayera durante un rueda di prensa na Fòrti Amsterdam a konfirmá ku ainda entre Kòrsou i Hulanda no tin un akuerdo riba COHO. Knops a informá alabes di ta hopi satisfecho na e manera e aktual ta tratando na regla e kosnan.
“Te na e momentonan aki nos no tin un akuerdo”, e sekretario di estado pa relashonnan den reino a duna di konosé ayera. Segun Knops for di aña pasá , ya kaba tin negosiashonnan ta andando te ku na momento ku tantu kabinete Rutte komo Rhuggenaath a bira demishonario. Segun Knops te ku ayera nan tin dos ta deliberando riba e estado di negosashon. Mester konsiderá si ku na mart tabatin elekshon na Kòrsou lokual a stroba e proseso pa yega na un akuerdo. Knops a bisa dirèkt despues di e resultadonan di elekshon, el a yama i felisitá Pik Pisas. Segun Knops, e la splika Pisas pa nan por kuminsá mas lihé posibel pa yega na akuerdonan i pa inisiá e proseso via di konferenshanan di vidio.
Knops a aklará ayera ku nan tin un temporada tras di lomba negoshando ku e gobièrnu nobo, tantu ku MFK i PNP huntu i nan tin di negoshashon. Awor ku e kabinete a bira ofishal e negosiashonnan tambe por bira ofishal. Na nivel di parlamento si no tabatin sufisiente informashon segun Knops. Pero na e momentonan aki no tin un akuerdo riba COHO.