Punda—Raymond Knops den un karta ayera, a konfirmá na parlamento di Hulanda (tweede kamer) ku Kòrsou ta ehekutando e Pakete di Pais konforme akuerdo mará e di seis tranche pa finansiamentu na 168 mion florin.

E Pakete di Pais ku ta sub ordina na e Lei di Konsenso COHO, ta wòrdu ehekutá konforme un seri di 8 Programa di Ehekushon kual na su turno ta kubri e disiplinanan di Maneho Finansiero, Reformashon Ekonómiko, Efisiensia den Sektor Públiko, Kuido, Impuesto, Enseñansa, Sektor Finansiero i Resfuestro pa Derechi di Estado. E Programa di Ehekushon ta trese kambionan struktura riba e tereno di Outonomia i Maneho pa Kòrsou. Hulanda a mara e proseso di finansiamemtu for di 2020 na ehekushon di e Programa di Ehekushon. Te ainda Kòrsou a risibi 670 mion florin pa kubri 2020 pa 2021 i 168 mion florin pa kubri 2021 adishonal. Ta kalkulá ku ainda falta 420 mion florin mas mará na mas kondishon i kontinuashon pa ehekutá e Pakete di Pais.